Xocavəndə tapılan meyitlərin qalıqları hərbçilərə aiddir - RƏSMİ

 

"Hazırda onların kimliyi barəsində araşdırmalara başlanılıb. Bütün qalıqlar səliqə ilə xüsusi qablara yığılaraq ayrı-ayrılıqda ekspertizaya cəlb ediləcək. Hər bir qalıq nömrələnəcək, cinsi, yaşı, boyu, ölüm səbəbi, ölümün müddəti, ölümün mexanizmi müəyyən ediləcək. İlkin rəyə görə basdırılan hərbçilərin bəzilərinin üzərində güllə yarası aşkar edilib. 1992-1994-cu illərə aid olan vətəndaşlarımız olduğunu ehtimal olunur", - Ədalət Həsənov bildirib. 

 

Dövlət Komissiyası İşçi qrupu tərəfindən 2007-ci il ərzində aparılmış araşdırma zamanı məlum olub ki, itkin düşmüş və girov götürülmüş şəxslərin sayı 4354 nəfər təşkil edir. Onlardan 3503 nəfəri hərbçi, 841 nəfəri mülki şəxslərdir (9 nəfərin hərbçi və ya mülki olduğu məlum deyil). Mülki şəxslərdən 47 nəfəri uşaq (16 nəfər azyaşlı qız), 268 nəfəri qadın, 371 nəfəri yaşlılardır. Əsir, itkin düşmüş 4354 nəfərdən 783 nəfərin əsir və girov götürülməsi barədə məlumatlar daxil olub. Dövlət Komissiyasına daxil olmuş materialların təhlili zamanı 550 nəfərin əsir və girovluqda qətlə yetirildiyi və ya müxtəlif səbəblrdən vəfat etdiyi müəyyən edilib. Onlardan 104-ü qadın, 446-ı kişidir. 137 nəfərin yalnız adı məlumdur, 74 nəfər isə naməlum şəxslərdir. 

 

Gülnar Nazimqızı