Son 3 ayda it dişləməsindən müraciət edənlərin sayı açıqlanıb

"Bu dövr ərzində it dişləməsi ilə bağlı müraciət edənlər arasında ölüm halı qeydə alınmayıb. Itlərin, xüsusi ilə sahibsiz itlərin insanları dişləməsi təhlükəlidir. İt dişləməsinə məruz qaldıqda mütləq ixtisaslaşmış və quduzluq əleyhinə vaksin olan tibb müəssisəsinə müraciət edilməlidir. Çünki it dişlədikdən sonra peyvənd vasitələrinin vurulmasının gecikdirilməsi quduzluq əlamətinin yaranmasına səbəb olur. Həmin əlamətin aşkarlanması isə müalicənin gedişini çətinləşdirir", - Elnur Hidayətoğlu qeyd edib.

 

Hidayətoğlu quduzluğu ağır xəstəlik hesab edildiyini vurğulayıb.

"Quduzluq heç vaxt öz-özünə sağalmır, vaxtında müalicə aparılmasa insan ölümünə də səbəb olur. Bu baxımdan ən vacib məsələ quduzluq əleyhinə vaksinin həmin gün və gecikdirilmədən vurulmasıdır'',- o bildirib.

 

Bəs it dişləyən zaman nə etmək lazımdı?

 

Quduzluq xəstəliyi təkcə itdən deyil, digər heyvanlardan, o cümlədən xəstəliyə yoluxan pişiklərdən, canavardan da keçə bilər. Heyvan dişləməsindən sonra dərhal yaranın yuyulması, təmizlənməsi, zərərçəkənin həkim-infeksionistə gətirilməsi və təcili surətdə quduzluq əleyhinə vaksinin vurulması lazım gəlir. Quduzluq xəstəliyinə yoluxan insana vaksin vurulmadığı təqdirdə onda quduzluq əlamətləri hiss edilir. Bu əlamətlər hiss edildikdən sonra vaksinin heç bir köməyi olmur və xəstə ölür. Buna görə də dərhal reaksiya lazımdır. Həkimlər valideynlərə çağırış edərək bildirirlər ki, övladlarını it dişləyən zaman məsuliyyətli olub 28 gün ərzində vurulması lazım gələn vaksinləri vurdurmalıdırlar.