Tualet problemini ictimailəşdirən müəllimin yeni videosu yayılıb - VİDEO
11.01.2023 17:58
İmişlinin Yusif Sadatxanov adına Aranlı kənd orta məktəbində tualet problemini ictimailəşdirən müəllim ona dəstək olan dəstəkçilərinə müraciət edərək onunla bağlı paylaşımlara ara verilməsini xahiş edib. Bu barədə Leyla Nəcəfquliyeva sosiaı şəbəkəə hesabında video paylaşım edib.
"Çox xahiş edirəm, aksiyanı dayandırın. Dayandırmasanız, birazdan məni cinayətkar, yalançı, saxtakar, müəllim adına layiq olmayan biri elan edəcəklər. Hamınız məni pisləməyə başlayın. Övladlarım yazıqdır. Mən özümdən qorxmuram, artıq özümü saxlaya bilmirəm. Mən indi məktəbə necə gedəcəm? Bilmirəm. Yazın ki, Leyla müəllimə işdən azad edilsin”, -müəllim bildirib.
Yanvarın 8-də İmişlinin 1 saylı məktəbində Leyla Nəcəfquliyeva adlı müəllim ayaqyolu tikilənə qədər şagirdlərdən məktəbə gəlməmələrini istəyib. Səbəb kimi dərs dediyi şagirdlərdən birinin tualet növbəsinə çata bilmədiyi üçün təbii ehtiyacını ödəyə bilməməsi ilə əlaqələndirib.
Daha sonra sosial şəbəkədə həmin müəllimin töhmət alması ilə bağlı xəbərlər yayıldı və bu birmənalı qarşılanmadı.
Məsələ ilə bağlı Mil-Muğan Regional Təhsil İdarəsindən bildirilir ki, İmişli rayonu Aranlı kənd tam orta məktəbində 3 sanitar qovşağı var. Məktəb qəzalı vəziyyətdə olduğundan 2023-cü ildə yeni məktəb binasının layihələndirilmə işlərinə başlanılacaq.
Bununla yanaşı, məktəb ən qısa müddətdə mümkün olan variantla (mobil sanitar qovşağı və ya digər) təmin ediləcək və məsələ müsbət həllini tapacaq.
Həmin məktəbin ibtidai sinif müəllimi Leyla Nəcəfquliyevaya 7-8 dekabr 2022-ci il tarixlərində məktəb rəhbərliyinə heç bir məlumat vermədən üzrsüz səbəbdən iş yerinə gəlmədiyinə, əmək müqaviləsi üzrə müəyyən edilmiş vəzifə funksiyalarını və müəssisədaxili intizam qaydalarını pozduğuna görə Əmək Məcəlləsinin 186-cı maddəsinin 2-ci hissəsinin "a" bəndinə uyğun olaraq töhmət verilib.
2022-ci il ərzində Mil-Muğan Regional Təhsil İdarəsinin tabeliyində olan 11 ümumi təhsil müəssisəsinin sanitar qovşağı yenilənib və ya əsaslı təmir edilib. Həmçinin 13 məktəbdə mobil sanitar qovşağı quraşdırılıb.
2022-ci il ərzində Mil-Muğan Regional Təhsil İdarəsinin tabeliyində olan 11 ümumi təhsil müəssisəsinin sanitar qovşağı yenilənib və ya əsaslı təmir edilib. Həmçinin 13 məktəbdə mobil sanitar qovşağı quraşdırılıb.
Sözügedən videonu diqqətinizə çatdırırıq:
Aytac
www.anews.az
Facebook
Bizi Facebookda izləyin
Oxşar xəbərlər
Oxşar xəbərlər
Son xəbərlər 
Daha çox 
Foto
Video
