Tofiq Yaqublu xəstəxanaya yerləşdirildi
11.01.2023 20:37
Müsavat Partiyasının inzibati həbsdə olan üzvü Tofiq Yaqublu xəstəxanaya yerləşdirilib. Bu barədə onun qızı Nigar Həzi feysbuk hesabında yazıb.
Onun sözlərinə görə, Tofiq Yaqublu Məlikov adına 6 saylı birləşmiş şəhər xəstəxanasına yerləşdirilib.
O müalicəsini xəstəxanada davam etdirəcək, yoxsa yenidən Saxlanılma Mərkəzinə qaytarılacaq? sualına cavab olaraq, DİN-in Mətbuat Xidmətindən bildirilib ki, bu gün həkim Adil Qeybulla DİN-in İnzibati Həbs Olunanların Saxlanılma Mərkəzinə gedərək Tofiq Yaqublu ilə görüşüb. Həkimin məsləhəti ilə T.Yaqublu ətraflı müayinə olunması üçün xəstəxanaya köçürülüb. Tibbi müayinənin nəticəsindən asılı olaraq müvafiq qərar qəbul ediləcək.
Tofiq Yaqublu dekabrın 23-də İnzibati Xətalar Məcəlləsinin 510-cu maddəsi (xuliqanlıq) əsasında Səbail Rayon Məhkəməsinin qərarı ilə 30 sutka inzibati qaydada həbs olunub.
N.Təbrizli
www.anews.az
Youtube
Bizi Youtube-da izləyin
Foto
Video
