Azərbaycandan Türkiyəyə yardım təyyarəsi göndərilib
07.02.2023 16:05
Türkiyədə baş vermiş güclü zəlzələnin fəsadlarının aradan qaldırılması məqsədilə növbəti təyyarə Türkiyəyə yola düşüb. Bu barədə Fövqəladə Hallar Nazirliyindən bildirilib.
Məlumata görə, təyyarə Heydər Əliyev Beynəlxalq Aeroportundan Türkiyənin Adana şəhərinə istiqamət alıb.
Bildirilir ki, dağıntılardan ziyan çəkmiş insanların yerləşdirilməsi üçün çadırlar, ədyal, qızdırıcılar, mobil səhra hospitalı üçün 3 ədəd konteyner yola salınıb.
Hospital 4 funksional bölmədən – qəbul-çeşidləmə, laboratoriya, cərrahiyyə və intensiv terapiya bölməsindən, 3 hava ilə doldurulan moduldan ibarət olmaqla ən ağır yaralı və xəstələrin müayinə, əməliyyat və müalicəsi üçün müvafiq şəraitlə təmin olunub. Mobil səhra hospilatında FHN-in peşəkar tibbi heyəti xidmət aparacaq. Qırx beş nəfərlik tibbi personalın olduğu hospital lazımi bütün dərman və preparatlarla təchiz olunub.
İkinci təyyarə ilə dağıntılardan ziyan çəkmiş insanların yerləşdirilməsi üçün çadırlar, yataq dəstləri, qızdırıcılar və digər avadanlıqlar yola salınıb.
Hazırda Bakıda da Babək prospekti 27, "Doğtaş” mebel mağazasında yardım kampaniyası keçirilir.
Vətəndaşların gətirdikləri qış geyimləri, yorğan-döşək və digər lazım olan əşyalar Türkiyədə zərər çəkən insanlar üçün göndəriləcək.
Aytac
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
Foto
Video
