Bakı metropoliteni ötən 2 ayda 34 milyonadək sərnişin daşıyıb

Bu ilin yanvar-fevral aylarında "Bakı Metropoliteni" QSC 33,8 milyon sərnişin daşıyıb.

Bildirilib ki, bu, ötən ilin eyni dövrü ilə müqayisədə 15,1 % çoxdur.
Hazırda Bakı metropolitenində, konseptual inkişaf proqramına uyğun olaraq, tikinti işləri davam etdirilir. Dövlət Proqramına görə paytaxtın yeraltı yollarının ümumi uzunluğu 119,1 kilometrə, stansiyalarının sayı isə 76-ya çatacaq.