Yasamal rayonunda 31 mart Soyqırımı qurbanları yad edilib

31 mart -Azərbaycanlıların Soyqırımı Günü ilə əlaqədar Yasamal Rayon İcra Hakimiyyəti və Yeni Azərbaycan Partiyası (YAP) Yasamal rayon təşkilatının birgə təşəbbüsü ilə anım tədbiri keçirilib. Tədbirdə Yasamal Rayon İcra Hakimiyyətinin başçısı Elşad Həsənov, YAP Yasamal rayon təşkilatının rəhbərliyi, millət vəkilləri, hüquq-mühafizə orqanlarının rəhbərləri,Yasamal bələdiyyəsinin rəhbərliyi, şəhid ailələri, ziyalılar və ictimaiyyət nümayəndələri iştirak ediblər.

Tədbirdə  geniş məruzə ilə Milli Məclisin deputatı Anar İsgəndərov çıxış etdi.

 

Qeyd etdi ki, tarix boyu təcavüzkar siyasət yeridən "böyük ermənistan” xülyasından əl çəkməyən ermənilər xalqımızı zaman-zaman soyqırıma məruz qoymuş, havadarlarının dəstəyi ilə bizi əzəli torpaqlarımızdan çıxarmağa çalışmışlar. 1918-ci ilin mart ayının 30-dan aprel ayının 1-dək Bakı şəhərində 10 mindən çox soydaşımızın vəhşicəsinə qətlə yetirmişlər. Erməni millətçiləri keçən əsrin müxtəlif mərhələlərində – 1905-1907, 1918-1920, 1948-1953, 1988-1993-cü illərdə azərbaycanlılara qarşı etnik təmizləmə siyasəti həyata keçirmişlər.

 

Qeyd olunub ki, Azərbaycan tarixinin faciəli səhifələri unudulmamalı, tarixi həqiqətlər gənc nəsillərə çatdırılmalıdır.

 

Bu, gələcəkdə yeni faciələrin baş verməməsi üçün son dərəcə vacibdir.