İşğaldan azad edilən ərazilərdə xəstəliklərlə bağlı tədbirlər planı həyata keçiriləcək-SƏDR

İşğaldan azad edilən ərazilərdə xəstəliklərdən azad zonaların yaradılması ilə bağlı xüsusi tədbirlər planı həyata keciriləcək. Bunu jurnalistlərə açıqlamasında Azərbaycan Qida Təhlükəsizliyi Agentliyinin (AQTA) sədri Qoşqar Təhməzli  Qida Təhlükəsizliyi Agentliyi (AQTA), Ümümdunya Heyvan Sağlamlığı Təşkilatı (WOAH), Birləşmiş Millətlər Təşkilatının Ərzaq və Kənd Təsərrüfatı Təşkilatı (FAO) və İqtisadi Əməkdaşlıq Təşkilatının (ECO) təşkilatçılığı ilə keçirilən tədbir zamanı bildirib.

 

"Hazırda işğaldan azad olunmuş ərazilərdə xəstəliklərdən azad zonalar yaradılması barədə prioritetlər müəyyənləşdirilir. Respublikanın baş baytar müffətişi ilə birlikdə həm Ümumdünya Heyvan Sağlamlığı Təşkilatının, həm də FAO kimi beynəlxalq təşkilatların ekspertləri ilə birgə işğaldan azad edilən ərazilərə baxış keçirilib”,-sədr vurğulayıb.

 

Tədbirdə Azərbaycanla yanaşı, Türkiyə, Qazaxıstan, Qırğız Respublikası, Tacikistan, Özbəkistan, Türkmənistan, Gürcüstan, Suriya, İran və İraq daxil olmaqla 11 ölkədən 60-a yaxın nümayəndə iştirak edib.

 

 

Aytac