Türkiyədən gələn yük maşınlarından rüsum alınması yanlışdır - Deputat
12.05.2023 11:17
Azərbaycanda Türkiyədən gələn yük
maşınlarından yüksək rüsum alınır, eyni zamanda bu rüsum digər heç bir dövlətin
maşınlarından tələb olunmur. Bu sözləri deputat Elnur Allahverdiyev mayın 12-də keçirilən plenar iclasda çıxışı zamanı deyib.
"Bu, yanlış fikirdir və müxalifətin
lideri məsələ barəsində yetərincə məlumatlı deyil. Müvafiq
rüsumlar ya əsas etibarilə ləğv olunub, ya da azaldılıb. Yəni bu sahədə Azərbaycan
hökuməti ciddi liberallaşma tədbirləri həyata keçirib. Azərbaycanın postsovet məkanının
dövlətləri ilə hələ ötən əsrin 90-cı illərindən hökumətlərarası sazişləri
mövcuddur. Məhz buna görə onların avtomobillərindən tutulan rüsumlar fərqli
idi. Ancaq bu rüsumların çoxu artıq ləğv edilib və
bu barədə ictimaiyyətin yanvarın sonlarından məlumatı var. Müxalifət liderinin daha
öncə təklif etdiyi İpək Yolu layihəsi türk dövlətlərini necə birləşdirə bilər
ki, bu layihədə Azərbaycan və Qazaxıstan kənarda qalırlar? Yolun əsas hissəsi
düşmənimiz Ermənistana açıq-aşkar kömək edən İran ərazisindən keçir. Qardaş ölkədə
təqribən 180-200 min yük avtomobili sürücüsü var. Güman ki, müxalifətin
liderinin bu bayənatı onların səslərinə hesablanıb. Ancaq məlumat yanlış
olmaqla bərabər, təəssüf ki, həm də bir kinayə, sarkazmla müşayət olunur ki, bu
da bizim ortaq keçmişimizə, bu günümüzə və sabahımıza yaraşmır", - deputat bildirib.
Millət vəkili tezliklə bu məsələnin həll olunmasına ümid etdiyini bildirib.
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
Foto
Video
