AQTA beş ildə yoxlamalarının sayını açıqlayıb
07.06.2023 17:58
Azərbaycan Qida Təhlükəsizliyi Agentliyi (AQTA) son 5 ildə 9 027 yoxlama aparıb. Bu barədə qurumun 5 illik yubileyi ilə bağlı keçirilən tədbirdə məlumat verilib.
Məlumata görə, təkrar yoxlama aparılan 600-dən çox müəssisə sağlamlaşdırılıb.
İyunun 7-də "Azərbaycanın Qida Təhlükəsizliyi Agentliyi haqqında Əsasnamə"də dəyişikliklər edilib. Bununla bağlı Prezident İlham Əliyev müvafiq fərman imzalayıb.
Belə ki, bundan sonra ərazisində heyvanların xüsusi təhlükəli xəstəliklərinin baş verməsi qeydə alınan xarici ölkələr və idxalı qadağan olunmuş mallar barədə məlumatların real vaxt rejimində aidiyyəti dövlət orqanının informasiya sisteminə ötürülməsini AQTA təmin edəcək.
7 İyun - Ümumdünya Qida Təhlükəsizliyi Günü Birləşmiş Millətlər Təşkilatının 2018-ci il 20 dekabr tarixli qərarı ilə ərzaq təhlükəsizliyinin qida məhsullarının təhlükəsizliyi ilə sıx bağlı olması, həmçinin dünyada ərzaq-istehsalat-təchizat zəncirinin daha da mürəkkəbləşməsi və qida ilə əlaqədar risklərin insanların sağlamlığı ilə yanaşı, dünya iqtisadiyyatına da mənfi təsir göstərməsi nəzərə alınaraq təsis edilib.
Aytac Zeynalova
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
Son xəbərlər 
Daha çox 
Foto
Video
