Nazir Elşad Hacıyevlə bağlı əmr imzaladı
11.07.2023 13:10
Daxili İşlər Nazirliyinin KİV və ictimaiyyətlə əlaqələr şöbəsinin rəisi Elşad Hacıyev qurumun Mətbuat Xidmətinin rəisi vəzifəsini icra edəcək. Bu barədə anews.az-a Daxili İşlər Nazirliyindən bildirilib.
Açıqlamada qeyd olunub ki, bununla bağlı daxili işlər naziri general-polkovnik Vilayət Eyvazov bugün əmr imzalayıb.
Polis polkovnik-leytenant Elşad Hacıyev 2020-ci ildə Daxili İşlər Nazirliyinə Mətbuat Xidmətinin KİV və ictimaiyyətlə əlaqələr şöbəsinin rəisi vəzifəsinə təyin olunmuşdu. Həmin vəzifəyə qədər Hacıyev Bakı şəhər Baş Polis İdarəsinin Mətbuat Xidmətinin rəhbəri vəzifəsində çalışıb.
DİN-in Mətbuat Xidmətinin rəisi polis polkovniki Ehsan Zahidov olub. O yaşı ilə əlaqədar iyulun 10-da nazirin əmri ilə təqaüdə göndərilib.
Gülnar Nazimqızı
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
Son xəbərlər 
Daha çox 
Foto
Video
