Yüksək gərginlikli elektrik xəttində yanğınla bağlı VİDEO-ya "Azərişıq" ASC-dən münasibət

Facebook-un Azərbaycan seqmentində Səlyan rayonu ərazisində  yüksək gərginlikli elektrik xəttində yanğın baş verməsi ilə bağlı video yayımlanıb. Amma "Azərişıq" ASC adı çəkilən rayon ərazisində belə hadisənin qeydə alınmadığını bildirib.

"Azərişıq" ASC mətbuat xidmətinin əməkdaşı Pərvanə Kazımzadənin sözlərinə görə, görüntüdə yer alan hadisənin harada baş verdiyi və kim tərəfindən çəkildiyi məlum deyil.

"Görüntüdən görünür ki, yerdə qar yoxdur. Həmin video sosial şəbəkədən götürülüb. Bu hadisə indinin məsələsi deyil. Kim, harada və necə çəkib məlum deyil. Baku Tv Salyan olduğunu deyir, amma Salyanda olması təsdiqini tapmadı. Baku Tv Fövqəladə Hallar Nazirliyi ilə də əlaqə yaratdı onlar da dedilər ki, belə bir şey qeydə alınmayıb. Bu yanğın balaca bir şey deyil axı. Yüksək gərginlikli xəttin yanmasıdır”, - qurum sözçüsü bildiriib.