Azərbaycanda epidemiyoloji vəziyyət sabit deyil - Komitə sədri

 

"Bir çox yolxucu xəstəliklər baş qaldırır. Bura COVID1-19 pandemiyasını aid etmirik. Çünki bu xəstəlik artıq yoluxma vəziyyətini keçib. İnsanlar ayaqüstə də bu xəstəliyi keçirə bilir. Digər yolxucu xəstəliklər yayılıb. Qızılca ilə bağlı böyük problemlər var. Hətta bu virusa yaşlılar da yoluxur. Bu xəstəliklər daima nəzarətdə olmalıdır.", - deputat yanvarın 18-də  Səhiyyə komitəsinin iclasında bildirib. 

 

Deputat vurğulayıb ki, yaz sessiyasında aiddiyatı qurumlarla birgə Səhiyyə Komitəsində yolxucu xəstəliklərlə bağlı dinləmə keçiriləcək. 

 

Bir gün əvvəl Səhiyyə Nazirliyi açıqlama yayaraq bildirib ki. Bakının Suraxanı, Əmircan və Bülbülə qəsəbələrinin əhalisi arasında 2023-cü ilin dekabr ayından başlayaraq yoluxucu Hepatit "A” virusu xəstəliyi yayılıb.

 

Bundan başqa Dövlət Statistika Komitəsinin son rəqəmlərinə görə, ötən ilin 11 ayı ərzində Azərbaycanda 1493 nəfər qızılcaya yoluxub.

 

Gülnar Nazimqızı