Keçən ildən nəzərdə tutulan 9 məktəbdə son təmir işləri aparılır

2024-cü ildə təmiri başlayan 9 təhsil müəsisəsində son tamamla işləri gedir. Bunu elm və təhsil nazirinin müavini  Kənan Kərimzadə "Azərbaycan müəllimi" qəzetində müsahibəsində deyib. 

"2024-cü ildə dövlət əsaslı vəsait qoyuluşu hesabına yeni məktəblərin tikintisi və əsaslı təmiri işləri həyata keçirilib. 57 təhsil müəssisəsində tikinti-quraşdırma işləri aparılıb, 21 təhsil müəssisəsinin təmir-tikintisi başa çatdırılıb, 9 müəssisədə isə son tamamlanma işləri aparılır, eyni zamanda 27 (22 ümumi təhsil) təhsil müəssisəsinin təmir-tikintisinin 2025-ci ildə başa çatması planlaşdırılır", - o bildirib. 

 

Bundan əvvəl baş nazir Milli Məclisdə çıxışı zamanı bildirib ki, cari ildə  123 məktəbin əsaslı təmiri nəzərdə tutulub. 
 
Elm və Təhsil Nazirliyi açıqlayıb ki, 2024-cü il ölkə üzrə 38 məktəbdə təmir-tikinti işləri aparılacaq.
 
2023-cü il Azərbaycanda 40 təhsil müəssisəsində təmir-tikinti işləri aparılıb.
 
Gülnar