Vicdansız sözünün qanunda istifadəsində bir problem yoxdur - Deputat

Vicdansız terminin qanunda tətbiq olunmasında heç bir problem yoxdur. Bunu Milli Məclisin deputatı Əminə Ağazadə deputat Rəşad Mahmudova cavab olaraq bildirib. 

Bu gün Milli Məclisin keçirilən iclasında Səhiyyə Komitəsinin sədr müavini Rəşad Mahmudov bildirib ki, qanuna gətiriləcək vicdansız termini başqa bir terminə əvəz olunmasına ehtiyac var. 

"Vicdansız termini istifadəsində bir problem yoxdur. Həkim cinayət məcəlləsində xüsusi subyektdir. Yanaşma da başqa olmalıdır. Bu termin daha əvvəl də istifadə olunub. Məsələn vicdansız sahibkar, vicdansız işçi və.s", - Aöazadə deyib. 

Tibb işçisinin işə vicdansız və ya laqeyd münasibəti nəticəsində öz peşə vəzifəsini yerinə yetirməməsi və ya lazımi qaydada yerinə yetirməməsi ehtiyatsızlıqdan şəxsin sağlamlığına yüngül zərər vurulmasına görə cərimə tətbiq ediləcək.

Gülnar Nazimqızı