Bütün beynəxalq olimpiadaların Təhsil İnstitutu tərəfindən tanınması vacib deyil – Xəyal İbrahimzadə

Bütün beynəlxalq olimpiadaların Təhsil İnstitutu tərəfindən tanınması vacib deyil və dünyada da belə bir praktika mövcud deyil. Bunu anews.az-ın sualına cavab olaraq Beynəlxalq Olimpiada Mərkəzinin direktoru Xəyal İbrahimzadə bildirib. 

“Bu olimpiadalar bəzi ölkələrin təhsil nazirlikləri tərəfindən tanınsa da, bizim Elm və Təhsil Nazirliyinin siyahısında olmaya bilər. Bu, onların əhəmiyyətini azaltmır,” – İbrahimzadə qeyd edib.

Onun sözlərinə görə, bu yarışlar mövzu və istiqamətinə görə dəyişir və hər birini dövlətin tanıması və ya siyahıya salması mümkün deyil.

“Hər şeyi dövlətin üzərinə yıxmaq və yalnız dövlətdən gözləmək düzgün yanaşma deyil. Bu tip olimpiadalarda iştirak edən şagirdlərin əsas məqsədi xaricdəki nüfuzlu universitetlərdə təhsil almaqdır,” –  o əlavə edib.

İbrahimzadənin fikrincə, bu cür olimpiadaların Təhsil İnstitutunun tanıdığı yarışlar siyahısında olub-olmaması əsas məsələ deyil və prioritet kimi qiymətləndirilməməlidir.

Gülnar Nazimqızı