Doğulan körpə 25 yaşına qədər metrodan pulsuz istifadə edəcək - Metropoliten rəsmisi

Avqustun 8-də 20 Yanvar metro stansiyasında dünyaya gələn körpəyə 25 yaşınadək metrodan ödənişsiz istifadə hüququ veriləcək. Bunu Bakı Metropoliteni QSC-nin rəsmisi Anar Zamanov mətbuata açıqlamasında deyib. 

Zamanov bildirib ki, yeni doğulmuş uşaq Bakı metrosunun “xüsusi sərnişini” statusunu alacaq.

Bununla yanaşı, ailəyə simvolik hədiyyələr təqdim olunacaq.

Hadisə avqustun 8-də “20 Yanvar” stansiyasında baş verib. Respublika Təcili və Təxirəsalınmaz Tibbi Yardım Mərkəzinin məlumatına görə, doğuş stansiyada baş tutub və körpə 2,2 kq çəki ilə dünyaya gəlib.

Ana və uşağın vəziyyəti stabildir.

Aytac