Azərbaycan investisiyaları təşviq edəcək - Cabbarov

Ermənistan və Azərbaycan arasında ilkin sülh sazişi, eləcə də Ermənistanın baş naziri Nikol Paşinyan və ABŞ prezidenti Donald Trampın dəstəklədiyi TRIP nəqliyyat dəhlizi Cənubi Qafqaz və Mərkəzi Asiyada iqtisadi inteqrasiyanı yenidən formalaşdıracaq. Bunu   Azərbaycanın iqtisadiyyat naziri Mikayıl Cabbarov bazar ertəsi bildirib.

Cabbarov Bakıda keçirilən beynəlxalq forumda çıxışında Azərbaycanın bölgənin “coğrafi, logistik, enerji və digər sahələrdə təbii mərkəzi” olduğunu vurğulayıb. 

O deyib ki, hökumət makroiqtisadi sabitliyi qorumaqla yanaşı, dövlət-özəl tərəfdaşlıq  layihələri vasitəsilə investisiyaları təşviq edəcək. 

Nazir əlavə edib ki, yeni PPP sazişi məhz həmin gün imzalanacaq.

Nazir qeyd edib ki, Azərbaycanın neft və qaz ixrac etdiyi 14 ölkədən 12-si Avropadadır və bu, Avropa İttifaqını əsas iqtisadi tərəfdaş edir. 

O həmçinin bərpaolunan enerji sahəsində imkanlara diqqət çəkib və Çin şirkətləri ilə artan əməkdaşlığı “iqtisadi münasibətlərdə yeni səhifə” adlandırıb.

“Biz yalnız yerli və xarici investorları Azərbaycanda biznes qurmağa dəvət etmirik, həm də riskləri bölüşməyə və texnoloji transferi dəstəkləməyə hazırıq,” – Cabbarov bildirib.

N.Təbrizli