Bakı üçün hər il yüzlərlə yeni avtobus alınır, Qarabağda ictimai nəqliyyat sistemi qurulur

Bakıda istismarda olan avtobusların sayı 2,800–3,000 arasında dəyişir və hər il köhnələrin əvəzlənməsi üçün yüzlərlə yeni avtobus alınır. Bunu Azərbaycan Yerüstü Nəqliyyat Agentliyinin Nəqliyyat Planlaşdırılması Departamentinin rəhbəri Fuad Cəfərli bildirib.

Onun sözlərinə görə, avtobus parkının yenilənməsi prosesi ilə yanaşı, işğaldan azad olunmuş ərazilərdə də ictimai nəqliyyat planı hazırlanıb:

“2025–2026-cı illər üzrə birinci mərhələ demək olar ki, başa çatıb. Regionda ictimai nəqliyyat sisteminin qurulması gözlənilir,” - Cəfərli deyib.

O qeyd edib ki, prezidentin son fərmanı yeni avtobusların alınmasına və ictimai nəqliyyatın subsidiyalaşdırılmasına imkan verəcək. Siyahıya daxil edilən səkkiz şəhərdən dördü Qarabağda yerləşir. Bunlar Laçın, Xankəndi, Maqadan və digər şəhərlər.

Onun sözlərinə görə, gələn ilin əvvəlində region üçün 14 yeni avtobus istehsal ediləcək, həmçinin yerli avtobuslar da satın alınacaq. Yeni avtobus depoları inşa olunur.

Cəfərli bildirib ki, Laçında nəqliyyat əlçatanlığı aşağıdır və bu məqsədlə yeni kanat yolu layihəsi hazırlanır.

“Layihə həm turistik, həm də sərnişin daşımalarında istifadə olunacaq”, - Cəgərli bilditib. 

N.Təbrizli