Bu otaqda 1 saat qalana 5 milyon dollar vəd edilir

Microsoft şirkəti tərəfindən inşa edilən “dünyanın ən səssiz otağında” bir saat qalmağı bacaran şəxsə 5 milyon ABŞ dolları (təxminən 407 milyon rubl) mükafat veriləcəyi bildirilir.

Bloggerlərin məlumatına görə, texnoloji nəhəng otağın tikintisinə 30 milyon dollar xərcləyib. Müqayisə üçün, adi otaqlarda səs səviyyəsi təxminən 30 desibel olur, Microsoft-un anekoyik kamerasında isə bu göstərici mənfi 20,6 desibeldir.

Belə mühitdə insanlar öz ürək döyüntülərini, oynaqların hərəkətini və hətta qan axınını eşidir, nəticədə beyin məkan hissini itirir. Bu səbəbdən əksər ziyarətçilər yalnız bir neçə dəqiqə dözə bilir.

Hazırda heç kim bu otaqda tam bir saat qalmağı bacarmayıb.

Microsoft-un “sükut otağı” 2015-ci ildə şirkətin Redmond (ABŞ, Vaşinqton ştatı) kampusunda səs izolyasiyasını sınaqdan keçirmək və akustik tədqiqatlar aparmaq məqsədilə qurulub. Otaq “Guinness Rekordlar Kitabı”na dünyanın ən səssiz yeri kimi daxil edilib.

Tatyana