Həftəsonu ölkədə 74 yeni cinayət faktı qeydə alınıb

Noyabrın 29–30-da ölkə ərazisində 74 yeni cinayət faktı qeydə alınıb, əvvəlki dövrlərdən bağlı qalan 3 cinayətin açılması təmin edilib. Bu barədə Daxili İşlər Nazirliyi bildirib. 

Axtarışda olan ümumilikdə 141 nəfər, o cümlədən borclu şəxs qismində axtarışda olan 112 nəfər saxlanılaraq aidiyyəti qurumlara təhvil verilib.

Hesabat dövründə narkotiklərlə bağlı 18, qanunsuz saxlanılan silah-sursatın aşkarlanması üzrə 11 fakt müəyyən edilib.

DİN bildirir ki, cinayət törətməkdə şübhəli bilinən 56 nəfər saxlanılıb.

Gülnar