Azərbaycan ov mövsümünü qadağan edilib

Azərbaycanda oktyabrın 10-da açıq elan olunmuş ov mövsümü dekabrın 1-də başa çatıb və ölkə ərazisində ov etmək bu gündən etibarən qadağan edilib. Bu barədə Bioloji Müxtəlifliyin Qorunması Xidmətinin rəsmisi Arzu Babayeva məlumat verib.

Babayeva bildirib ki, son illərdə qlobal iqlim dəyişikliklərinin təsiri nəticəsində ölkənin fauna balansında müşahidə olunan dəyişikliklər ov mövsümünün məhdudlaşdırılmasını zəruri edib.

Onun sözlərinə görə, Xəzər dənizində su səviyyəsinin enməsi quşların ənənəvi qidalanma, istirahət və qışlama yerlərinin, eləcə də bəzi növlərin miqrasiya marşrutlarının dəyişməsinə səbəb olub.

Rəsmi qeyd edib ki, hazırda təbiətdə gedən proseslər monitorinq edilir və nəticələrə uyğun olaraq ov mövsümünün yenidən açılıb-açılmayacağına qərar veriləcək.

Xidmət vətəndaşları qadağanı pozmamağa və qanunsuz ovdan çəkinməyə çağırıb.