Ağdamda təmir işlərinə 1 milyon manatdan çox vəsait xərclənəcək

Qaçqınların və Məcburi Köçkünlərin İşləri üzrə Dövlət Komitəsi tərəfindən həyata keçirilən tenderin qalibi açıqlanıb.

Tenderin satınalan təşkilatı Qaçqınların və Məcburi Köçkünlərin İşləri üzrə Dövlət Komitəsi, Mənzil İstismar Departamentidir. Satınalma predmeti Ağdam rayonunda salınmış məcburi köçkün qəsəbələrində fərdi yaşayış evlərinin və yolların təmiridir.

Tenderin qalibi “Hadi İnşaat” Məhdud Məsuliyyətli Cəmiyyəti seçilib. Qalib təklifin qiyməti 1.175.523,67 AZN təşkil edir.

Layihə çərçivəsində qəsəbələrdə təmir işlərinin aparılması və infrastrukturun yaxşılaşdırılması nəzərdə tutulur.

Ağdam 2020-ci ilin noyabrında işğaldan azad edilib. İkinci Qarabağ Müharibəsində ən çox zərər çəkmiş rayondur. Müharibəyə qədər Ağdamda 143 min insan yaşayıb.

Prezidentin sərəncamı ilə imzalanan Qarabağa qayıdış proqramı çərçivısində 2026-ci ilə kimi 130 min nəfərin Ağdama köçürülməsi nəzərdə tutulub.

Gülnar