Gələn ildən şagird sayı az olan məktəblər distant təhsilə başlaya bilər

2026-ci ilin sentyabrından etibarən Azərbaycanda şagird sayı az olan məktəblərdə distant təhsilə keçid planlaşdırılır. Bu barədə elm və təhsil naziri Emin Əmrullayev “Real TV”yə müsahibəsində bildirib.

Nazirin sözlərinə görə, sözügedən addım pilot layihə kimi tətbiq olunacaq və əsas məqsəd təhsilin səmərəliliyinin artırılması və uşaqlar üçün daha uyğun modelin formalaşdırılmasıdır.

Əmrullayev qeyd edib ki, ölkə üzrə yüzlərlə kənd məktəbində siniflərdə cəmi 3–4 şagird təhsil alır, bu isə həm pedaqoji prosesin keyfiyyətinə, həm də dövlət vəsaitlərinin istifadəsinə mənfi təsir göstərir:

“Kiçik məktəblərdə ciddi keyfiyyət problemi var. Normal sayda şagirdi olan siniflər daha səmərəlidir”, - o bildirib. 

Nazir vurğulayıb ki, bəzi məktəblərdə işçi heyətinin sayı şagirdlərin sayından iki dəfə çoxdur. Bu amil distant təhsil modelinə keçidin zəruriliyini artırır.

Gülnar