Azərbaycan nefti ucuzlaşıb

Dünya bazarında “Azeri Light” markalı Azərbaycan neftinin bir barelinin qiyməti 1,28 ABŞ dolları və ya 2% azalaraq 62,45 ABŞ dolları təşkil edib. 

Hərracların nəticələrinə görə, “Brent” markalı neftin fevral fyuçersləri 60,20 ABŞ dolları səviyyəsində olub.

Türkiyənin Ceyhan limanında FOB bazasında “Azeri Light” neftinin bir barelinin qiyməti 1,27 ABŞ dolları və ya 2,06% azalaraq 60,40 ABŞ dollarına enib.

Müqayisə üçün, 2025-ci il üzrə Azərbaycan dövlət büdcəsində neftin bir barelinin orta qiyməti 70 ABŞ dolları səviyyəsində nəzərdə tutulub ki, bu da mövcud bazar qiymətindən təxminən 7,6 dollar aşağıdır.

Tarixi göstəricilərə əsasən, “Azeri Light” neftinin minimum qiyməti 2020-ci il aprelin 21-də 15,81 ABŞ dolları, maksimum qiyməti isə 2008-ci ilin iyulunda 149,66 ABŞ dolları olub.

“Azeri Light” nefti “Azəri-Çıraq-Günəşli” (AÇG) yataqlar blokunun işlənməsi çərçivəsində hasil edilir. Layihədə SOCAR-ın payı 31,65% təşkil edir.