Ağstafada üç uşağını döydüyü iddia edilən ata saxlanılıb - Yenilənib

Ağstafada azyaşlı övladlarını döyən və işgəncə verən ata saxlanılıb.Bu barədə Daxili İşlər Nazirliyinin Mətbuat Xidmətinin Gəncə Regional Qrupunundan bildirilib.

Məsələ ilə Ağstafa Rayon Polis şöbəsində müvafiq ekspertiza təyin edilib.

Araşdırmaların nəticəsinə uyğun olaraq məsələyə hüquqi qiymət veriləcək.

***

Ağstafanın Yeni Gün kəndində atanın azyaşlı uşaqlarını döyərək onlara işgəncə verdiyi bildirilir.Bu barədə Qafqazinfo-ya uşaqların anası Günel Bayramova şikayət ünvanlayıb.

Uşaqların anası Günel Bayramova iddia edir ki, onun həyat yoldaşı kənd sakini 42 yaşlı Oruc Əliyev onunla aralarında olan davalara görə uşaqlarını incidirmiş. Sonuncu dəfə davadan sonra ata evinə gedən Günel Bayramova Oruc Əliyev evdə olmayanda uşaqlarına baş çəkməyə gəlib. Bundan xəbər tutan ata da uşaqları anaları ilə görüşdüyü üçün döyüb, işgəncə verib. Azyaşlılar da atalarının analarını və onları günlərlə müxtəlif əşyalarla döyüb, işgəncə verdiklərini bildiriblər. Onlar atalarının spirtli içki aludəçisi olduğunu da deyiblər.

Azyaşlılar əvvəlcə xəstəxanaya yerləşdiriliblər. Ağstafa rayon Xəstəxanasından bildirilib ki,müayinə zamanı azyaşlılarda ciddi xəsarət aşkar edilməyib.

Məsələ ilə bağlı Daxili İşlər Nazirliyinin Mətbuat Xidmətinin Gəncə Regional Qrupundan bildirilib ki, Ağstafa Rayon Polis şöbəsində müvafiq ekspertiza təyin edilib. Araşdırmaların nəticəsinə uyğun olaraq məsələyə hüquqi qiymət veriləcək.