Suriya ordusu Hələbdə atəşkəs elan edib

Suriya Müdafiə Nazirliyi Hələbin Şeyx Məqsud, Əşrəfiyyə və Bəni Zeyd rayonlarında atəşkəs elan edib.

Nazirlik bildirir ki, məqsəd bölgədəki hərbi fəaliyyətə son qoymaq və mülki əhalinin təhlükəsizliyi ilə yanaşı rəsmi qurumların bərpası üçün şərait yaratmaqdır.

Açıqlamada qeyd olunur ki, atəşkəs gecə yarısından sonra qüvvəyə minəcək və saat 03:00-da təsirini göstərəcək.

Müdafiə Nazirliyi vurğulayıb ki, bu addım yeni hərbi eskalasiyanın qarşısını almaq və mülki əhaliyə təhlükəsiz şərait təmin etmək üçün atılıb.

Hələbin həmin rayonlarında son aylar hərbi toqquşmalar və raket hücumları nəticəsində mülki infrastruktura ciddi ziyan dəymişdi.

Aytac