Göygöldə 10-a yaxın şagird zəhərlənib

Göygöl rayonunda yerləşən C.Verdiyev adına Aşıqlı kənd tam orta məktəbində kütləvi zəhərlənmə hadisəsi baş verib.

APA-ya istinadən verilən məlumata görə, hadisə ötən gün dərs prosesi zamanı qeydə alınıb. Məktəbin təxminən 10 aşağı sinif şagirdi özlərini pis hiss edib.

Şagirdlər dərhal xəstəxanaya çatdırılıb və onlara tibbi yardım göstərilib.

İlkin ehtimallara əsasən, şagirdlərin məktəbdə qəbul etdikləri qidadan zəhərləndiyi bildirilir. Hadisənin dəqiq səbəbi hələlik açıqlanmayıb.

Faktla bağlı aidiyyəti qurumlar tərəfindən araşdırma aparılır.

Aytac