Azərbaycanda internet provayderləri üçün minimum sürət həddi tətbiq olunacaq

Rəqəmsal İnkişaf və Nəqliyyat Nazirliyi yanında İnformasiya Kommunikasiya Texnologiyaları Agentliyi internetin sürətinə minimum hədd qoyulması ilə bağlı təkliflər hazırlayıb və aidiyyəti üzrə təqdim edib. Bunu Agentliyin İdarə Heyətinin sədri Nail Mərdanov açıqlayıb.
O bildirib ki, bundan sonra sərt tənzimləmə üsuluna keçiləcək.
"Bu gün biz sərt tənzimləmə üsuluna keçmək istəyirik. Təkliflərimiz normativ sənəd olaraq təsdiqləndikdən sonra bütün provayderlər məcbur olacaqlar ki, minimum həddən aşağı sürət təmin etməsinlər. Eyni zamanda xidmətin keyfiyyəti ilə bağlı tələblərin sərtləşdirilməsi haqqında düşünürük".
Tədbirdə sabit genişzolaqlı internet provayderlərinin sürət kateqoriyaları üzrə göstəriciləri də açıqlanıb. Aşağı sürət (1–49 Mbps) kateqoriyasına daxil olan provayderlər:
•    Fiberon
•    FlexNET
•    Nest Fiber
•    Smart Online
•    Teleport
Həmin tənzimləmə normativ sənəd təsdiq edildikdən sonra bütün provayderlər üçün məcburi olacaq və internet xidmətlərinin keyfiyyəti ciddi şəkildə artırılacaq.
Gülnar Nazimqızı