Azərbaycanda hər 5 uşaqdan 4-ü həftədə ən azı bir dəfə rəqəmsal alətlərdən istifadə edir

Azərbaycanda hər 5 uşaqdan 4-ü həftədə ən azı bir dəfə rəqəmsal alətlərdən istifadə edir.
Bu barədə Təhsil İnstitutunun direktoru səlahiyyətlərini müvəqqəti icra edən Elnur Əliyev ekspertlər və media nümayəndələri üçün keçirilən məlumatlandırma sessiyasında bildirib.

Bakı və Sumqayıtda aparılan Beynəlxalq Erkən Öyrənmə və Uşaq Rifahı Tədqiqatının (IELS 2025) nəticələrinə görə, Azərbaycanda uşaqların böyük əksəriyyəti mütəmadi olaraq rəqəmsal alətlərdən istifadə edir.

Təqdim olunan məlumatlara əsasən, hər 5 uşaqdan 4-ü həftədə ən azı bir dəfə rəqəmsal cihazlardan istifadə edir.

Bu göstərici iştirak edən ölkələrin orta səviyyəsi ilə eyni olub.

Araşdırma göstərir ki, Azərbaycanda uşaqlar arasında rəqəmsal alətlərdən gündəlik istifadə edənlərin payı 46%, həftədə ən azı bir dəfə istifadə edənlərin payı isə 37% təşkil edir.

Bununla yanaşı, 9% uşaq bu alətlərdən nadir hallarda, 8% isə ayda ən azı bir dəfə istifadə edir.


Müqayisəli nəticələrə görə, bəzi ölkələrdə gündəlik istifadə səviyyəsi daha yüksəkdir.

Məsələn, Maltada bu göstərici 66%, Birləşmiş Ərəb Əmirliklərində 52%, Braziliyada isə 50% səviyyəsindədir. Niderlandda isə uşaqların daha çoxu rəqəmsal alətlərdən həftəlik istifadə edir.


Gülnar Nazimqızı