Polis Astarada əməliyyat keçirib, 45 kq narkotik aşkarlanıb - VİDEO

Azərbaycanda narkotik vasitələrin qanunsuz dövriyyəsinə qarşı əməliyyatlar davam edir.

Daxili İşlər Nazirliyindən verilən məlumata görə, Baş Narkotiklərlə Mübarizə İdarəsinin əməkdaşları Astara rayonunda keçirdikləri əməliyyat zamanı ölkəyə qaçaqmalçılıq yolu ilə külli miqdarda narkotik vasitə gətirməyə cəhd göstərməkdə şübhəli bilinən, əvvəllər məhkum olunmuş Tural Bəkirov (38) və Mehman Abdurahmanovu (53) saxlayıblar.

Nazirlik bildirib ki, saxlanılan şəxslərdən tərkibi psixotrop maddələrlə zənginləşdirilmiş 45 kiloqram marixuana və 650 ədəd metadon həbi götürülüb.

Fakt üzrə cinayət işi açılıb, araşdırma aparılır.