Aİ səfiri: Gənclər öyrənmə və əməkdaşlıq arasında körpü rolunu oynayırlar

Həyata keçirilən müsabiqə və layihələr gənclərdə öyrənməyə marağın artırılmasına xidmət edir. Bunu Avropa İttifaqının (Aİ) Azərbaycandakı səfiri Mariyana Kuyundziç  Gəncədə “Avropa Şəhərciyi-2026” tədbiri çərçivəsində keçirilən "Aİ Gənclər Müsabiqəsi"ndə deyib.

Səfirin sözlərinə görə, Aİ gənclərin parlaq gələcək qurmasını dəstəkləyir və bu məqsədlə Azərbaycanın müxtəlif rayonlarında yay məktəbləri təşkil olunur.

“Bu tədbirlər vasitəsilə bir-birimizdən öyrənirik. Gənclər insanlar arasında öyrənmə və əməkdaşlıq üçün körpü yaradırlar”, – o qeyd edib.

Mariyana Kuyundziç əlavə edib ki, bu il Avropa İttifaqı ilə Azərbaycan arasında əməkdaşlığın 30 illiyi qeyd olunur.

Səfir həmçinin xatırladıb ki, 2016-cı ildə Gəncə “Avropa Gənclər Paytaxtı” seçilib və bunu böyük qürur mənbəyi kimi dəyərləndirib.

Aytac Zeynalova