Bakıda 40 yaşlı kişi qayınanasını plastik boru ilə döyüb

Bakının Sabunçu rayonunda 40 yaşlı kişi qayınanasını plastik boru ilə döyüb. Hadisə ilə bağlı başlanmış cinayət işinə tərəflərin barışması səbəbindən xitam verilib. Bu barədə oxu.az məlumat verib. 

1986-cı il təvəllüdlü İmran Məmmədov ailə qurduqdan sonra Sabunçu qəsəbəsində qayınanasının evində yaşayıb. Bir müddət sonra onların arasında mübahisələr yaranıb.

Məhkəmə materiallarına əsasən, hadisədən bir neçə gün əvvəl İ.Məmmədov işdən evə qayıdarkən qayınanası onunla yenidən mübahisə edib və evdən getməsini tələb edib. Bundan sonra İ.Məmmədov həyətdən plastik boru götürərək qayınanasının bədəninin müxtəlif nahiyələrinə zərbələr endirib.

Polis əməkdaşları hadisə yerinə gələrək İ.Məmmədovu saxlayıb. Faktla bağlı cinayət işi başlanaraq məhkəməyə göndərilib.

Sabunçu Rayon Məhkəməsində keçirilən proses zamanı tərəflərin barışdığı elan edilib və cinayət işinə xitam verilib.