Paşinyan: Ermənistan və Azərbaycan arasında ilk razılaşma əldə olunub

Ermənistan və Azərbaycan arasında ilk razılaşma artıq əldə olunub. Ermənistanın Baş naziri Nikol Paşinyan jurnalistlərə açıqlamasında bildirib.

Paşinyan razılaşmanın yekunlaşdırılmasını və şirkətlərin bununla bağlı rəsmi açıqlama verməsini gözlədiyini deyib.

“Bizim vəzifəmiz biznes icmalarının birgə işləməsi üçün siyasi şərait yaratmaqdır”, -  Paşinyan bildirib.

Baş nazir artıq konkret müqavilə və razılaşmanın mövcud olduğunu qeyd edib.

Azərbaycan Prezidenti İlham Əliyev və Paşinyan avqustun 31-də Bişkekdə keçirilən görüşdə iki ölkə arasında iqtisadi, ticarət və enerji əməkdaşlığının genişləndirilməsi imkanlarını müzakirə edib, işgüzar dairələr arasında təmasları alqışlayıblar.

Aytac Zeynalova