Fərid Şəfiyev: Orta Dəhliz geosiyasi proseslər fonunda daha da əhəmiyyətli olur

Regionda dəyişən geosiyasi vəziyyət Orta Dəhlizin nəqliyyat bağlantısı kimi əhəmiyyətini artırır və marşrutun inkişafı üçün əlavə investisiyalara ehtiyac var.

Bunu Beynəlxalq Münasibətlərin Təhlili Mərkəzinin İdarə Heyətinin sədri Fərid Şəfiyev Bakıda keçirilən CAMCA Regional Forumunda bildirib.

Şəfiyev nəqliyyat bağlantılarının əhəmiyyətindən danışarkən İrandakı böhranı da nümunə göstərib.

Onun sözlərinə görə, xüsusilə 2020-ci ildən sonra Gürcüstan, Qazaxıstan və digər ölkələr mövcud maneələrin azaldılması və nəqliyyat əlaqələrinin genişləndirilməsi istiqamətində addımlar atıblar.

“Əlbəttə, Xəzər dənizi ilə bağlı müəyyən çağırışlarımız var. Lakin düşünürəm ki, bəzi çətinliklərə baxmayaraq, Orta Dəhliz getdikcə daha mühüm əhəmiyyət kəsb edir”, - Şəfiyev deyib.

Aytac