Qocalar evində yaşayan şəxsin mədəsində qanaxma var - agentlikdən açıqlama

Sosial şəbəkələrdə yayılan videoda qocalar evində yaşadığını deyən Ələsgər Ağayev mədəsində qanaxma olduğunu və ona baxan olmadığını açıqlayıb. 

Sosial Xidmətlər Agentliyi Anews.az-ın sorğusuna cavabında bildirib ki, Ağayevə səhhətinə uyğun tibbi xidmətin sosial xidmət müəssisəsində göstərilməsi mümkün deyil və onun müalicəsi tibb müəssisəsində davam etdirilməlidir.

Agentliyin məlumatına görə, qanunvericiliyə əsasən sosial xidmət müəssisələrinin həkim heyəti benefisiarlara ilkin tibbi yardım göstərir, ehtiyacı olan şəxslərin müalicə-profilaktika müəssisələrinə yerləşdirilməsi və ərazi üzrə tibb müəssisəsində ilkin tibbi xidmətin təşkili üçün tədbirlər görür.

Agentlik vətəndaşın sağlamlığının qorunması və zəruri tibbi xidmətlərlə təmin olunması istiqamətində qanunvericiliyə uyğun tədbirlər görüldüyünü bildirib.

Gülnar Nazimqızı