Bələdiyyə torpaqlarının qeydiyyatı ilə bağlı YENİLİK

Oxu.Az xəbər verir ki, bu sözləri Əmlak Məsələləri Dövlət Komitəsinin (ƏMDK) sədr müavini Rafiq Cəlilov jurnalistlərə deyib. 

"Yalnız ƏMDK-nın yerlərdəki reyestrlərinə müraciət etməklə öz hüquqlarını qeydiyyata aldıra bilirlər. Bütün digər proseslər, məsələn, çöl ölçmə işləri,  koordinatların, iqtisadi göstəricilərinin sərhədlərin müəyyən edilməsi, torpaqların təyinatını kateqoriyasının, bütün bu məsələlər komitənin daxilində qurumlarla əlaqə yaradılmaqla həyata keçirilir.

Sonda vahid çıxarış forması bələdiyyələrə verilir. Bunun üçün bələdiyyələr heç bir quruma müraciət etmirlər”, - deyə komitə sədrinin müavini qeyd edib. 

Onun sözlərinə görə, torpaqların səmərəli düzgün istifadə edilməsi üçün birinci bilinməlidir ki, harda hansı kateqoriyada, nə qədər torpaq var:

"Bu torpaqların heç vaxt dəqiq uçotu olmamışdır. Hazırda komitə torpaqların dəqiq uçotununun qurulması ilə məşğuldur. Yaxın 2-3 il ərzində bu işlər başa çatacaq.

Biz artıq Bakı, Sumqayıtda tam mükəmməl kadast qurmuşuq. Gəncə, Şəkidə bu işlər 2016-ci ilin ortalarında başa çatacaq. Respublikanın digər ərzilərində isə 2019-cu ilə qədər torpaqların elektron kadastr uçotu qurulacaq”, - deyə o bildirib. 

Qeyd edək ki, bu gün Əmlak Məsələləri Dövlət Komitəsi bələdiyyə torpaqlarının qeydiyyatında vahid pəncərə prinsipinin tətbiqi ilə bağlı işgüzar forum həyata keçirib. Bu forumda komitənin qurumlarından başqa, Ədliyyə nazirliyinin bələdiyyələrlə iş üzrə mərkəzi, Bakı, Sumqayıt, Abşeron bələdiyyələri və digər qurumların nümayəndələri iştirak edib.