İranın bəyanatları neftin qiymətini ucuzlaşdırır

OPEK-in dekabrın 4-də keçiriləcək iclasında neftin istehsal kvotasını azaltmayacağı ilə bağlı İranın səsləndirdiyi bəyanatlar dünya bazarında neftin qiymətinin iyul ayından bu yana kəskin azalmasına gətirib.

ANN.Az Oxu.Az-a istinadən xəbər verir ki, İranın neft naziri Bijən Namdar Zəngənə Tehranda təşkil edilən konfransların birində bəyan edib ki, İran OPEK-in dekabrın 4-də təşkil edəcəyi konfransında istehsal kovotasını azaldacağı ilə bağlı yekun qərar verəcəyini gözləmir.

Qeyd edək ki, Azərbaycan Energetika naziri Natiq Əliyev ötən gün jurnalistlər üçün təşkil etdiyi brifinqdə qeyd etmişdi ki, OPEK-in istehsal kvotasını azaldacağını düşünmür.

www.ann.az