OPEC hasilatı azaldır
16.03.2016 18:35
OPEC ölkələrinin neft hasilatı son bir il ərzində ilk dəfə olaraq fevral ayında 175 min. barel/gün və ya 0,5% azalıb. İraq və Nigeriyada hasilat azalırkən, Səudiyyə Ərəbistanında maksimal həddə qalıb.
"Report"un "Kommersant" qəzetinə istinadən verdiyi xəbərə görə OPEC-in fevralda neft hasilatı 32,28 mln. barel/gün təşkil edib. Ümumilikdə isə qlobal neft təklifi fevralda 210 min barel/gün və ya 0,2% azalaraq 92,73 mln. barel/gün təşkil edib. Əsas azalma İraqın şimal regionlarından nəqletmədə yaranan problemlərdən qaynaqlanıb və 263 min barel/günə bərabər olub. Nigeriya və BƏƏ müvafiq olaraq gündəlik satışı 94 min və 49 min barel azaldıb. Azalmanı ən çox İran kompensasiya edib. Belə ki, fevralda İranın neft satışı 187,8 min barel/gün artıb.
Rusiya Energetika Nazirliyinin açıqlamalarına görə, 2016-cı ildə OPEC üzvü olmayan ölkələrdə hasilat 700 min barel/gün azalacaq. Rusiya üçün isə 2016-cı ilin yekununa hasilatın cəmisi 20 min barel/gün azalacağı proqnozlaşdırılır. Qeyd edək ki, fevral ayında Rusiya neft hasilatını yanvarla müqayisədə 10 min barel/gün artıraraq 11,08 mln. barel/günə yüksəldib.
Qeyd edək ki, əsas neft hasilatçılarının hasilatı dondurmaq üçün keçirəcəkləri görüşün aprelin 17-də Qətərin paytaxtı Dohada baş tutacağı müəyyənləşib. İran tərəfinin bu görüşdə iştirakı gözlənilmir. "Report"un analitik qrupu bu görüşdə əsaslı qərarın qəbul olunacağını düşünmür. Neft hasilatının yanvar ayı səviyyəsində dondurulması neft hasilatının hazırkı izafi həcminə təsir göstərməyəcək və təklif tələbi üstələməyə davam edəcək. Lakin bu tarixə qədər spekulyativ olaraq neftin qiymətinin 50 dollar/barelə qədər artması mümkündür.
www.ann.az
Instagram
Bizi Instagramda izləyin
Oxşar xəbərlər
Oxşar xəbərlər
İqtisadiyyat 11:53
PAŞA Bank 12-ci AMFA Konfransında maliyyə inklüzivliyinin genişləndirilməsi imkanlarını müzakirə edib
Foto
Video
