"SOCAR Rusiya limanından neft ixracını azaltmayıb"

Oxu.Az xəbər verir ki, bu sözləri SOCAR-ın vitse-prezidenti David Məmmədov bildirib.

Onun sözlərinə görə, Rusiya ilə birillik müqavilə bağlanır və bazardan asılı olaraq, ixracın səviyyəsi də ay, rüb içərisində dəyişir:

"Bu gün neftin ixracı bizim emal səviyyəsindən, emal səviyyəsi də daxili tələbatdan asılıdır. İxrac müqaviləmiz Rusiya ilə birillik bağlanır. İl çərçivəsində Rusiyanın və SOCAR-ın imkanlarından asılı olaraq, rəqəmlər ay, rüb arasında dəyişir. Ola bilər ki, bir ay daha az, digər ay isə daha çox xam neft ixrac edilsin.

Məsələn, bu ay Rusiya limanından daha az xam neft ixrac edilib, növbəti ay bu daha çox olacaq. Bu isə qeyd etdiyim kimi, bazar ilə bağlıdır. Rəqəmlərdə ay içərisində dəyişiklik o demək deyil ki, artıq SOCAR Rusiya kimanından xam neft ixracını kəskin azaldıb, artıq fəlakətdir”.

Vitse-prezident həmçinin əlavə edib ki, bu il Rusiya limanından xam neft ixracı ötən illə müqayisədə praktiki olaraq eyni səviyyədədir.