Nazir müavini: "Bunun əleyhinə olan dövlət qurumları var"

"İlin sonuna kimi Əlavə Dəyər Verigisinin (ƏDV) diferensiallaşdırılması layihəsi barədə Parlamentdə müzakirələr baş tutacaq. Amma nə olacaq, necə olacaq, bilinmir”.

ANN.Az xəbər verir ki, bunu Vergilər nazirinin müavini Sahib Ələkbərov jurnalistlərə açıqlamasında bildirib. S. Ələkbərovun sözlərinə görə, əgər Parlament qərar qəbul etsə, təklif olunan layihə variantında yanvar ayının 1-dən başlanması nəzərdə tutulur: 

"Lakin bu, o qədər də sadə məsələ deyil. Heç də hamı bunun lehinə deyil. Bu layihənin əleyhinə olan dövlət qurumları da var. Digər sahələrdə də bununla bağlı fikir ayrılıqları mövcuddur. İlk növbədə dərman preparatlarının aşağı salınmış dərəcələri, eyni zamanda, məktəblər üçün məktəb ləvazimatları kimi məsələlər nəzərdə tutulub”.