Dollar bahalaşdı

AMB-dən Oxu.Az-a verilən məlumata görə, ABŞ-ın milli valyutası olan dolların məzənnəsi dekabrın 6-i ilə müqayisədə 0,17% artaraq 1,7369 manat təşkil edib.

Avro da manata nisbətən ucuzlaşıb. Avrozonanın vahid valyutası 1,8651 manatdan 1,8625 manatadək azalıb. Rusiyanın milli valyutası rubl ötən günlə müqayisədə 0,0271 manatdan 0,0272 manatadək bahalaşıb.

Türkiyə lirəsinin məzənnəsi isə 0,4923 manatdan 0,5035 manatadək artıb. Məzənnəyə əsasən, 1 ingilis funt sterlinqi 2,2098 manatdan 2,1995 manatadək ucuzlaşıb. Gürcüstan larisinin məzənnəsi isə ötən günlə müqayisədə 0,6760 manatdan 0,6785 manatadək bahalaşıb.