“Bakı Beynəlxalq Dəniz Ticarət Limanının inkişafı üç fazada olacaq” - Taleh Ziyadov
16.12.2016 13:35
"Bakı Beynəlxalq Dəniz Ticarət Limanında aparılan bütün tikinti işləri gələn ilin sonunda yekunlaşacaq”.
ANN.Az xəbər verir ki, bunu "Caspian Energy Forum 2017-nin Ələt qəsəbəsində Azad Ticarət Zonasının yaradılması və gələcəkdə istifadəsi" adlı tədbirdə "Bakı Beynəlxalq Dəniz Ticarət Limanı” Qapalı Səhmdar Cəmiyyətinin baş direktoru Taleh Ziyadov deyib.
Baş direktorun sözlərinə görə, yeni Bakı limanı 400 hektarlıq bir ərazini əhatə edir:
"Onun təxminən, 120 hektarını Azad Ticarət Zonası kimi planlamışdıq. Lakin daha sonra hökumətin tövsiyyəsi ilə 400 hekarlıq əraziyə əlavə 400 hektar da (Azad Ticarət Zonası üçün) nəzərdə tutuldu. Ələtdə gələcək üçün yenə təxminən, 2000 hekartlıq ərazi rezerv olunacaq”.
"Bakı Beynəlxalq Dəniz Ticarət Limanının inkişafı üç fazada aparılacaq. Hökumət tərəfindən investisiya qoyulan birinci fazadır. Buranın Bərə Terminalı artıq fəaliyyət göstərir. Önümüzdəki ildə "Ro-ro” tırlar, konteyner, quru yük və böyük xüsusi karqolar üçün nəzərdə tutulmuş terminallarda olacaq. Gələn ilin sonuna qədər bütün tikinti işləri yekunlaşacaq. İkinci və üçüncü faza gələcəkdə konteyner terminalı ola bilər. Bunlar hamısı təbii ki, özəl sektorun investisiyasına açıq layihələrdir. Azad Ticarət Zonası kimi fəaliyyət göstərən digər sahələr vergi və gömrük rüsumlarından azaddırlar. Ümid edirik, bu, qanunvercilikdə də öz əksini tapacaqdır”,- deyə T.Ziyadov əlavə edib.
Orxan Aslanlı
www.ann.az
Twitter
Bizi Twitterdə izləyin
Oxşar xəbərlər
Oxşar xəbərlər
İqtisadiyyat 15:31
Azercell-in “Oflayn Qadınlar” layihəsi iki beynəlxalq festivalda beş mükafat qazanıb
Son xəbərlər 
Daha çox 
Foto
Video
