Ən yaxşı 10 Çin smartfonu - REYTİNQ

İKT.lent.az-ın "oane.ws” saytına istinadən məlumatına görə, meyarlar arasında keyfiyyət və qiymətin optimal nisbəti nəzərə alınıb.

İlk mövqedə "Zuk Z2” qərarlaşıb. Bu smartfonun "ürəyi” "Snapdragon 820” prosessorudur. Cihazın əməliyyat yaddaşının həcmi 4 GB, əlavə yaddaşının həcmi isə 64 GB təşkil edir. Cihazın qiyməti 511 manatdan çox olmayıb. 2016-cı ildə model 2 milyon ədəddən çox satılıb.

 

Fəxri ikinci yerdə isə "Xiaomi Redmi Note 3” smartfonu gəlir. Cihaz tutumlu batareyaya malikdir ki, bu da onun əsas üstünlüyü hesab edilir. Gözləmə rejimində cihaz tam bir ay işləməyə qadirdir. Smartfon 2 GB daxili yaddaşa və 16 GB əlavə yaddaşa malikdir. Bundan başqa, smartfonda barmaq izlərinin skaneri də mövcuddur.

Liderlərin üçlüyünü "Xiaomi Mi4c” smartfonu qapayır. Bu cihaz daha əvvəlki modellərinin praktiki olaraq bütün xüsusiyyətlərinə malikdir. Ancaq güc meyarında bir az geri qalır. Rusiya ərazisində bu smartfonu 240 manata əldə etmək mümkündür. 

 

Çin istehsalı olan ən yaxşı smartfonlar arasında həmçinin "Xiaomi Mi5s”, "Meizu Metal”, "LeEco Le Max 2”, "360 N4”, "LeEco Le Pro”, "LeEco Le 2”, "Xiaomi Redmi Note4” smartfonlarının adları da var.