Bakıda torpaq bahalaşıb

Anews.az  xəbər verir ki, bunu  Trend-ə "MBA Group” konsaltinq şirkətinin baş direktoru, daşınmaz əmlak sahəsində ekspert Nüsrət İbrahimov deyib.

Onun sözlərinə görə, Bakıda torpaq bazarında bu il ərzində qiymət artımı 11,5 faiz təşkil edib.

Ekspert bildirib ki, yaz aylarında, adətən, daşınmaz əmlak bazarında aktivlik artır və qiymətlərdə bahalaşma müşahidə olunur: "Ancaq yayda qiymətlər stabilləşir, çünki insanlar istirahətə gedir, bazarda aktivlik aşağı düşür. Sentyabrdan isə yenidən aktivlik artığına görə qiymətlər də bahalaşmağa başlayır”.