Rusiyada varlı ailələrdən 500 milyard rubl yığılacaq

anews.az lenta.ru-ya istinadən xəbər verir ki, bunu Rusiya İctimai Palatasının katibi Valeriy Fadeyev bildirib. Onun sözlərinə görə, Rusiyada 200-300 min varlı ailə var ki, bu pulu büdcəyə ödəyə bilərlər: 

"Bunlar maaşı orta sinif kimi 500 min-1 mln. rubl (8300-16600 dollar) olan insanlar deyil. Çox bahalı avtomobil, böyük ev, xaricdə mülkləri olan insanlardır. Hesablamalarımıza görə, bu zənginlər xəzinəyə 500 milyard rubl az ödəyirlər”.

Onlardan bu vəsaiti almağın zəruriliyini vurğulayan V.Fadeyev "söhbət vergilərin artırılmasından getmir” deyə bildirib: "Bu insanlar çoxbilmişdirlər və öz pullarını, aktivlərini gözəl idarə edirlər. İnzibati qaydada onlardan pul almaq mürəkkəb olsa da, bunu etmək lazımdır”.