“Kristal Towers”in tikintisi davam etdirilir

Kristal Abşeron xəyallarınızın inşasını davam etdirir. Söhbət Bakının ən mənzərəli hissəsində, Bayılda, Bakı bulvarının düz qarşısında yerləşən şirkətin ən premium layihəsi "Kristal Towers”dən gedir.

Şirkətdən Anews.az-a verilən məlumata görə, 16 mərtəbədən ibarət olacaq qüllələrin artıq 12 mərtəbəsində beton konstruksiya işləri, 6mərtəbəsində hörgü işləri yekunlaşıb. Hazırda beton-qəlib və hörgü işləri davam etdirilir. Yaşayış kompleksinin inşasında keyfiyyət və təhlükəsizliyin sintezi olan Avropa istehsalı brend tikinti materiallarından, o cümlədən binanın zəlzələyə davamlılığı üçün Ukrayna istehsalı yüksək keyfiyyətli armaturlardan istifadə edilir. Betonun daha keyfiyyətli və hamar alınması üçün istifadə olunan qəliblər isə Almaniyanın məşhur "Peri” şirkətinindir.

Premium seqmentin bütün tələblərinə uyğun şəkildə inşa olunan Kristal Towers qüllələri həm də təqdim etdiyi xidmətlərlə sakinlərini özəl hiss etdirəcək. Kompleksdə yeraltı parkinq, ticarət mərkəzi, fitness və spa mərkəzləri, sonuncu mərtəbədə kafe və restoranlarla bərabər sakinlərə özəl konsyerj xidməti göstəriləcək.