Azərbaycanda elektron ticarətin həcmi 8 dəfə artıb - RƏSMİ
02.11.2021 15:06
Azərbaycanda 2021-ci ildə "MasterCard" kartlarının sayı 10.4 milyon ədəd, elektron ticarətin həcmi isə 5.3 milyard manata çatıb. 2017-ci ildə "MasterCard" kartlarının sayı 5.8 milyon ədəd, elektron ticarətin həcmi isə 0.6 milyarda manat olub. bunu "MasterCard"ın Azərbaycandakı nümayəndəsi Erdəm Çakır mətbuat konfransında deyib.
Azərbaycan banklarına məxsus taksit kartlarının Türkiyədə keçərli olması üçün Türkiyə Mərkəzi Bankına müraciət edilib.
"Hazırda bununla bağlı Türkiyə Mərkəzi Bankından cavab gözləyirik. İstəyirik ki, Türkiyəyə səfər edərkən alış-veriş edən, yaxud restoranlarda ödəniş edən və ya Türkiyə saytlarından onlayn məhsul alan Azərbaycan banklarının kart sahibləri taksit imkanlarından istifadə edə bilsinlər. Hazırda bu istiqamətdə işlərimizi davam etdiririk", - deyə Erdem Çakır əlavə edib.
Onun sözlərinə görə, hazırda Azərbaycanda 4 bankın - Beynəlxalq Bank, "Kapital Bank", "Unibank" və "Bank Respublika"nın, "MasterCard" sahiblərinin "Apple Pay" sisteminə qoşula bilər və digər bankların da layihəyəyə qoşulması gözlənilir.
Bu gündən kart sahibləri Apple Pay vasitəsilə ödəmələri daha təhlükəsiz, əminli və məxfi şəkildə edə bilərlər. Apple Pay istifadəçiləri ödəniş kartını başqasına ötürmədən, ödəniş terminalının düymələrinə toxunmadan və nağd pulu əldən ələ ötürmədən ödəniş etmək imkanını qazanırlar. Hər bir əməliyyatın təhlükəsizliyi iPhone-nun innovativ texnologiyaları ilə təmin olunur.
Apple Pay-i sazlamaq çox asandır. Sadəcə iPhone-da Wallet ("pul kisəsi”) tətbiqinə daxil olub, + ("üstəgəl”) işarəsini basıb oradakı təlimatlara əsasən Bank Respublika kredit və ya debit kartını əlavə etmək kifayətdir. Kart iPhone, Apple Watch, iPad və ya Mac cihazına əlavə olunan andan müştəri həmin cihazda Apple Pay-dən istifadə edə bilər.
Gülnar Nazimqızı
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
İqtisadiyyat 11:53
PAŞA Bank 12-ci AMFA Konfransında maliyyə inklüzivliyinin genişləndirilməsi imkanlarını müzakirə edib
Foto
Video
