2022-ci ilin yanvar-iyununda təbii qazın paylanma STATİSTİKASI

Ehtiyatların 86,3 %-i hasilatın, 13,7 %-i qalığın hesabına formalaşmışdır. Təbii qazın 31,8 %-i istehlak, 55,6 %-i ixrac olunmuş, 2 %-i itkiyə getmiş, 10,6 %-i isə iyulun əvvəlinə ehtiyat kimi qalmışdır.

Ölkə daxilində istehlak edilmiş təbii qazın 62,9 %-i istehsal ehtiyaclarına sərf edilmiş, 37,1 %-i isə əhaliyə satılıb.

2022-ci ilin yanvar-iyununda 11350,3 milyon kub metr və ya 2021-ci ilin müvafiq dövrü ilə müqayisədə 26,2%  çox təbii qaz ixrac edilib.

Əhali tərəfindən 2404,0 milyon kub metr və ya əvvəlki ilin müvafiq dövrü ilə müqayisədə 1,9% çox təbii qaz istehlak edilmiş, onun 38,0 %-i Bakı şəhərinin,  3,2 %-i Naxçıvan Muxtar Respublikasının, 10,9 %-i Abşeron-Xızı, 6,2 %-i Gəncə-Daşkəsən, 6 %-i Lənkəran-Astara, 5,7 faizi Mərkəzi Aran,  5,7%-i Qazax-Tovuz, 5 %-i Şəki-Zaqatala, 4,9 %-i Quba-Xaçmaz, 4,5 %-i Qarabağ, 3,8 %-i Mil-Muğan, 3,7 %-i  Şirvan-Salyan, 2,4 %-i isə Dağlıq Şirvan  iqtisadi rayonlarının payına düşmüşdür.