Ukrayna Aİ-dən ixracat üçün güzəştli rejimin 2027-ci ilə qədər uzadılmasını xahiş edəcək

Ukrayna hökuməti ölkədən ixracat üçün güzəştli rejimin 2027-ci ilə qədər uzadılmasını xahiş edəcək. Bu barədə Ali Radanın "Xalqın qulluqçusu” partiyasından olan deputatı Roksolana Pidlasa "Xalqın xidmətçisi” partiyasının Telegram kanalında bildirib. 

Deputatın sözlərinə görə, 2021-ci ilin yanvar-avqustu ilə müqayisədə Ukraynadan ixrac 6% artıb. Pidlasa hesab edir ki, artım Aİ ölkələrinin fövqəladə dəstəyi tədbirləri, xüsusən də sənaye məhsullarına rüsumların ləğvi, poladda antidempinq rüsumlarının dayandırılması ilə təmin edilib.

"Deputatlar, əlbəttə ki, ticarətin liberallaşdırılmasının təsirini görürlər, ona görə də biz təklif edirik ki, Rada Ukrayna ixracı üçün güzəştli rejimin 2027-ci ilin sonuna qədər uzadılması xahişi ilə Avropa Parlamentinə və Avropa İttifaqı Şurasına müraciət etsin”,- Pidlasa bildirib.

Bundan əvvəl Türkiyə və BMT-nin bazara Rusiya gübrələrinin gətirilməsi variantları tapdığı bildirilirdi. Bu barədə Türkiyənin xarici işlər naziri Mövlud Çavuşoğlu danışıb.

www.anews.az